【韓國 釜山|原來釜山嘅機場代碼唔係BUS!而係PUS😮】

講到去韓國旅遊,唔知大家會即刻諗起邊度呢~其實除咗首爾之外,釜山亦係韓國旅行嘅著名人氣熱點~近幾年都多咗好多好玩嘅新景點㗎,所以今日就同大家推介幾個釜山嘅自由行好去處,等大家諗去邊度玩同打卡嘅時候多幾個選擇!

📍#釜山樂天Adventure
首先第一個推介景點就係今年3月新鮮滾熱辣開幕嘅「釜山樂天Adventure」🏰呢度總共有6大園區,除咗有好多可愛造型嘅打卡位同過山車之外,呢度亦有好多非常刺激嘅遊樂設拖😆最出名嘅三架分別就有Giant Diger, Giant Splash 同埋Giant Swing,鐘意極速離心力嘅朋友一定唔可以錯過!

📍#海雲台海岸列車
講到釜山出名嘅列車,其實唔止屍殺列車㗎!🧟‍♂️🚄仲有海雲台呢個新景點「Blue Line Park」~呢條列車線唔單止可以觀賞到釜山嘅沿海靚景,就連車架內嘅設計亦講究咁細分咗海岸列車同天空膠囊兩種選擇,各有特色嘅外形亦非常搶眼同打卡able!所以開幕冇耐就因為可愛又治癒嘅造型而火速成為咗當地嘅打卡熱點啦!📷

📍#海東龍宮寺
海東龍宮寺係全韓國唯一一座起喺海邊上嘅寺廟🌊據韓國民間傳說喺度許願係好靈㗎,所以佢亦係韓國知名嘅三大觀音聖地之一!加上佢海天一色同埋寺廟內嘅靚景,因此除咗信眾外,佢亦吸引咗好多嚟自世界各地嘅遊客慕名參觀㗎🤩

📍#甘川文化村
呢個色彩繽紛,充滿住童話小屋嘅地方可以話係見證著釜山嘅歷史🇰🇷喺韓戰時期,呢度聚集咗好多南下避難嘅民眾,後來逐漸發展成居住嘅村落,亦喺90年代被開發成為宜家所見嘅文化村🏡喺呢度,你唔止可以了解到韓戰時期嘅故事,亦可以渡過一個充滿藝術氣息嘅下午☕️~除咗欣賞唔同文創小店同璧畫外,記得一定要去埋著名地標同小王子🤴🏻+沙漠狐狸🦊合照啊!

📍#松島天空步道
聽!海哭的聲音!🌊難得嚟到釜山點都要去聽下同望下個海,而松島天空步道呢條最長365公尺,連接著陸地同海水浴場就係最好嘅聽海好去處!條步道中間仲有啲part用咗強化玻璃,會令人有種行咗喺海上嘅刺激感同錯覺!🤯

📍#BIFF廣場
最後一個要同大家推介嘅釜山好去處就係充滿住活力同文化氣息嘅BIFF廣場🎥(BIFF:Busan International Film Festival) BIFF廣場亦堪稱為電影廣場,因為呢度地下有好多韓國出名電影大師同明星嘅手印簽名🖐🏼鐘意電影嘅朋友不妨嚟朝聖一下~除此之外,呢度另一樣好出名嘅就係佢嘅嘢食攤檔~所以鐘意掃街同街頭小食嘅朋友一定要去行下啦!

返回網誌

發表留言

請注意,留言須先通過審核才能發佈。