荷蘭 阿姆斯特丹|見單車多過見人?!

[自由行景點推介|荷蘭 阿姆斯特丹]


今日同大家介紹嘅自由行景點就係荷蘭嘅首都🇳🇱 有「北方威尼斯」美譽嘅阿姆斯特丹!等我哋快啲一齊嚟睇睇有乜必去地點喇!👀



📍#阿姆斯特丹運河帶 #AmsterdamCanal
嚟到阿姆斯特丹又點可以錯過搭住船咁遊覽下呢座水上城市嘅美景呢~⛴
佢有唔同嘅遊船公司同plan,不妨上網睇吓邊個船程啱自己多啲,格價之餘仲可以book埋船飛~chill住咁遊齊多個景點!

📍#紅燈區 #AmsterdamRedLightDistrict
除咗有「北方威尼斯」呢個稱號之外,荷蘭亦喺世界上少數性產業合法嘅國家
晏就遊完船河,夜晚一於去見識下荷蘭嘅紅燈區同五光十色嘅night life!
🏷提提你:為咗保障紅燈區嘅性工作者,入面係有法例規定唔畀影相㗎!!🚫亦傳有唔少嘅黑幫大隻佬會喺入面維持住區內秩序,所以想去見識下嘅朋友仔記得要注意安全,搵多個伴一齊去!

📍 #阿提斯動物園 #NaturaArtisMagistra
動物園建於1838年,係歐洲入面歷史最悠長嘅動物園之一🦒去到除咗可以睇動物之外,仲有埋水族館、植物園同天文館添!🌳一張入場劵就有齊咁多嘢睇👀真係物超所值啊!

📍#梵高博物館 #VanGoghMuseum
叫得做梵高博物館,顧名思義呢度就梗係最多梵高收藏品嘅地方喇!🖼 嚟到呢度,你將可以親眼見到著名畫作《向日葵》、《梵高的卧室》等等嘅真跡作品!
博物館一共有四層,行完仲可以去埋cafe同書店買下手信同嘆個靚tea!

📍#安妮之家 #AnneFrankHouse
🏷提提你:館內嚴禁拍攝
小編記得細個初次接觸有關第二次世界大戰呢段歷史就係讀《安妮日記》
書中以安妮嘅角度去陳述記錄當年二戰時期納粹大屠殺呢段令人痛心同沉重嘅歷史

而安妮之家就係位於王子運河附近,係當年安妮一家躲避納粹軍迫害時嘅藏身之處,館內亦設有關安妮生平嘅展覽以作記念🕯雖然好沉重,但正因為咁,我哋更加需要提醒自己千萬唔可以忘記呢段歷史

📍#阿丹塔 #ADAMTour #AdamOutlook
阿丹塔係荷蘭著名嘅旅遊地標,入面有不同嘅打卡位同coffee shop!上到塔頂仲有個 #堅離地 🌁 成80米高嘅 A’DAM LOOKOUT🗼冇畏高嘅朋友仔可以挑戰坐呢架「歐洲最高嘅韆鞦」喺高空fing fing 下咁欣賞阿姆斯特丹嘅城市美景!
🌆黃昏時段去成個view一定更加正!!🌞

#自由行景點推介 #itinni #escapetravel #荷蘭 #北方威尼斯 #阿姆斯特丹

——————————————————
【去旅行都可以識朋友?】
出走圍爐團,去旅行,識朋友。
一個屬於年輕人嘅旅行團。

即刻上 EscapeTravel.itinni.com了解更多啦!

返回網誌

發表留言

請注意,留言須先通過審核才能發佈。