【阿根廷⚽️|集浪漫、熱情同藝術氣息於一身嘅國度🇦🇷】

早前阿根廷對法國隊嘅世界盃決賽真係超精彩!🥇另外你又知唔知阿根廷原來係南美州首個同性婚姻合法化嘅國家呢?呢度唔單止有住濃厚嘅足球文化,亦係一個集浪漫、熱情同藝術氣息於一身嘅國度,所以今日嘅自由行景點推介就一於同大家去睇睇阿根廷有咩好去處~一齊發掘佢嘅唔同魅力同景點先~👀🌈⚽️

📍#佩里托莫雷諾冰川 Glaciar Perito Moreno
呢個係位於阿根廷聖克魯斯省冰川國家公園內嘅冰川亦係阿根廷嘅熱門觀光勝地🔥佩里托莫雷諾亦係一條有成30公里,係全球最長嘅活冰川🤩真係個不容錯過嘅冰川奇觀

📍#布宜諾斯艾利斯 Buenos Aires
嚟到阿根廷就一定要到訪佢嘅首都布宜諾斯艾利斯,呢度嘅文化特色濃厚,有著色彩繽紛嘅景點之餘🎨仲有好多足球同歷史相關嘅博物館及地標~等大家更加了解阿根廷呢個熱情洋溢同佢不同嘅文化面向🌈(布宜諾斯艾利斯亦係王家衛電影春光乍泄中故事嘅取景地🎞)

📍#拉博卡 La Boca
到訪布宜諾斯艾利斯就一定要嚟拉博卡呢個充滿特色嘅區,嚟到呢度你絕對可以充分體驗到阿根廷嘅藝術氣息同浪漫風情🔥💪🏻拉博卡位於城市嘅東南部,係Tango嘅發源地💃🏻最著名嘅景點分別有博卡青年體育場⚽️同色彩繽紛嘅卡米尼托街~

📍#雅典人書店 El Ateneo
呢度位於布宜諾斯艾利斯嘅聖菲大道,被喻為係世上第二間最靚嘅書店📙書局嘅前身係一間市內嘅大劇院🎭宜家亦保留咗劇院本身嘅元素,將原本嘅坐椅改裝成特色嘅書架,而原來嘅包廂則被改裝成唔同嘅小閱讀室,書卷味十足!真係就咁睇相都覺得超靚同有氣派啊!🤤

📍#十四色山 Serrania Del Hornocal
十四色山原名為Serrania Del Hornocal,係一座海拔達4350 公尺嘅彩色山脈⛰唔同嘅天氣情況亦會影響山貌所呈現嘅獨特色彩!好多到訪嘅遊客去都會數下自己當日見到幾多種色~唔知大家到時又會數到幾種顏色呢?🤩

📍#伊瓜蘇瀑布 Iguazu Falls
伊瓜蘇瀑布係全球嘅三大瀑布亦係聯合國嘅世界遺產之一🗺成個瀑布群約寬2700米~超壯觀!絕對係嚟阿根廷旅遊時必去嘅天然景點~好彩嘅話仲可以影到彩虹添🌈

#自由行景點推介 #itinni #escapetravel #阿根廷 #Agentina
——————————————————
【去旅行都可以識朋友?】
出走圍爐團,去旅行,識朋友。
一個屬於年輕人嘅旅行團。

即刻上 EscapeTravel.itinni.com了解更多啦!
返回網誌

發表留言

請注意,留言須先通過審核才能發佈。