【濟州島|療癒身心嘅天然靚景】

唔知大家有冇追換乘戀愛第二季呢~小編睇完之後真係超想去濟州島旅行!啲景真係超級靚同有種治療身心嘅感覺!所以我哋快啲一齊去睇睇有咩濟州靚景同活動玩先!GO!

📍#為美里山茶花生態園 #위미동백나무군락
邊個話冬天唔可以賞花?🌺十二月至二月正係山茶花盛開嘅時節~一朵朵豔紅色嘅山茶花開遍整個濟州島,真係好靚同埋絕對係影相嘅好timing!而位於濟州島西浦歸市嘅為美里山茶花生態園就係好多人都會去打卡嘅大熱點,價格唔貴亦冇限時,等大家同旅行buddy齊齊影靚相po ig~
地址: 西歸浦市南元吧為美里927號

📍#牛島
坐落於濟州島東部嘅牛島,整座島嶼嘅形狀就好似一雙攤喺度嘅牛牛咁所以因而得名,除此之外島亦有好多唔同嘅別名,又稱珊瑚、海女同燈塔之島🐄島上亦有好多唔同嘅文青cafe同好食嘅餐廳,海浪嘅景色亦非常優美恬靜,等大家可以吹着海風咁渡過一個休閑嘅寧靜時光

📍#요술 식탁 Cafe
小編話明係換乘戀愛2勾起咗想去濟州島嘅意欲,咁就當然會自肥咁下咁加入一啲佢出現過嘅高汁景點俾大家啦!呢間 Cafe就正正係賢圭同海恩第一次去約會嘅地點~

餐廳內部嘅擺設同裝飾都以簡約同木色系為主,入面嘅透明落地窗等客人可以喺享用餐點嘅同時欣賞到濟州晴空萬里,海天一色嘅風景☀️而佢嘅韓牛飯唔單止擺盤好靚,好打卡able~廚師所使用嘅鮮嫩肉汁亦保留到牛肉嘅鮮美同口感,真係望見都留曬口水啊🤤
地址: 濟州市觀德路6街10號


📍#해빛공방 玻璃工房
有睇過換乘戀愛嘅朋友仔一定對呢個玻璃工房唔陌生,呢度就係海恩賢圭couple去玩嘅地方(冇錯小編係佢哋fans所以介紹嘅景點都會圍繞佢哋)大家嚟到濟州島玩嘅話都不妨嚟呢度同朋友或者伴侶整個專屬你哋嘅風鈴或者其他玻璃製品~為今趟難忘嘅濟州之旅留下精緻同獨一無二嘅記念品!
地址: 朝天邑新村9街8號1樓

📍#婚姻池
好多本地同世界各地嘅旅客都會嚟呢度影婚紗相,除咗因為呢度個名好意頭之外,主要都係因為佢呢度嘅景色真係好靚!所以就算唔係嚟影婚紗相都可以喺度影到好多好有feel嘅旅行相!而想睇繡球花嘅朋友就或者要plan夏天先嚟!因為呢度每逢6月都會開滿一朵朵好似彩色嘅棉花球咁,好可愛!配埋身後古色古香嘅建築物更係帶出另類嘅風格嘅美~相信嚟影相留代嘅大家一定會影到停唔到手同收獲大量靚相啫!

#自由行景點推介 #itinni #escapetravel #濟州島 #JejuIsland
——————————————————
【去旅行都可以識朋友?】
出走圍爐團,去旅行,識朋友。
一個屬於年輕人嘅旅行團。

即刻上 itinni.com了解更多啦!

返回網誌

發表留言

請注意,留言須先通過審核才能發佈。