相信大家對東京都非常之熟🔥亦知道大家喺疫情期間都錯過咗多次回鄉嘅機會同呢幾年內新開嘅景點，所以今日就為大家帶嚟少少嘅新鮮感，同大家介紹五個東京嘅新景點好去處🗼
📍#美少女戰士博物館
🗓限期景點：至2022年12月30日
📣美少女轉身變已變成戰士！各位美少女戰士嘅fans請留意～為咗慶祝30週年，六本木博物館正舉行緊一個大型嘅美少女作品展🎀現場嘅水手水晶畫廊正展出多幅珍貴嘅原稿，佈置亦非常夢幻☁️除此之外展廳亦設有投入式劇院，等到訪嘅fans可以透過屏幕上嘅雷射光影進入美少女戰士嘅作品世界～睇完展覽後仲可以到訪博物館中嘅cafe同精品店享用唔同嘅精緻甜品同爆買紀念品添！💸
📍#TeamLabPlanetsTokyo
Team Lab Planets 整個展覽由4個大型空間同2個庭園所構成🌍💫唔同嘅光影或體驗區都各有特色，等大家可以透過不同嘅五感體驗、感受同融入到藝術之中
📍#村上春樹圖書館
村上春書圖書館於2021年10月開幕，館內嘅多份作品手稿、小說譯本及多本私人珍藏書同黑膠唱片都由村上春樹本人捐贈📚相信嚟一趟，一定會進一步加深大家對村上春樹世界嘅了解🔎圖書館亦由著名建築大師隈研吾設計，希望透過設計帶出村上春樹筆下中描繪『平凡』帶有嘅分量呢個概念，所以由外到內都以白色同木色系嘅主色配襯並以大量曲線元素加以點綴，令整座圖書館簡約得嚟亦帶有獨特嘅作品魅力，非常有村上春樹嘅風格✍🏼
📍#SCRAMBLE SQUARE #SHIBUYA SKY
位於東京澀谷嘅Scamble Square係一幢集辦公室、商場同觀景台於一身嘅大型複合式建築🌃B2至14樓都劃分為商場部分，有住多達200幾間嘅舖頭任大家行，好多好嘢食之餘亦都有好多唔同嘅化妝品及時尚品牌任大家行，而高層更有日本最靚書店之稱嘅蔦屋書店同東京最新嘅打卡熱點shibuya sky☁️
呢個新開嘅觀景台係日本目前最大嘅展望平台，有空間感之餘亦都好寫意，230米嘅高空同埋360度嘅開揚設計，望到人來人往嘅澀谷之餘仲可以眺望埋遠方嘅富士山🗻可以話係整個東京嘅景色都一覧無遺👀盡收眼底
📍#東京銀座藝術水族美術館
呢個景點可以話係將水族館crossover光影藝術嘅元素而成嘅特色美術館，亦係近年喺東京新開幕嘅景點同影相嘅好去處📸各個金魚缸外形設計都風格各異，前衛得嚟亦糅合咗傳統日本江戶時代花藝美學嘅精粹🌺展館亦配上色彩繽紛嘅光影、音樂同香味以及佢華麗嘅內部設計，呢場視覺盛宴真係可以話係美不勝收，令人目不睱及嘅程度，好wonderful
