日本沖繩|⛱陽光與海灘!

最近天氣開始轉涼,所以小編決定今日寫下啲陽光與海灘嘅content 等大家冇咁凍,今日就一於同大家一齊睇睇沖繩有咩好去處🌞等大家可以save低plan定下個夏天去玩嘅行程!

📍#古宇利島 #KouriIsland
位於沖繩北部嘅古宇利島係一座呈圓形嘅珊瑚礁小島,亦係沖繩嘅必去景點之一!呢度唔單止有著美麗嘅海洋景觀,另外必提嘅一點就係佢嘅拍拖聖地「Tinu海灘」兩座勁浪漫 超溫馨嘅心型珊瑚礁石「愛心岩」亦非常受情侶同打卡愛好者歡迎㗎!

📍#沖繩美麗海水族館 #OkinawaChuraumiAquarium
小編好幾年前就有嚟過呢度!所以推薦大家一定要去睇睇!🐠入面嘅黑潮之海係最世界第二大嘅水槽,望住咁多條游嚟游去嘅魚、鯨鯊同鬼蝠魟魚,成個view真係好壯觀,真係會睇到人唔想走!小編一直好想再去多次,但礙於之前疫情去唔到,所以嗰陣一直都係靠住動森入面嗰個水族館一解我思館之愁🥲宜家有得去一定要將佢plan埋落嚟緊嘅行程~去多次!

📍#萬座毛 #Manzamo
萬座毛面向日本東海,係沖繩嘅風景名勝之一☁️佢嘅外形好獨特,有啲似一隻大笨象嘅鼻哥,好趣緻㗎!除此之外佢呢度望出去嘅大自然景色真係好靚同值得一去,但不得不提佢呢度真係好大風!

📍#青之洞窟 #BlueCave
嚟到沖繩點可以唔去浮潛!青之洞窟位於沖繩北部真榮田岬附近,呢度海水清澈透明,再加上佢以珊瑚而成嘅海底地形豐富多變🐚唔同時間去亦會見到唔一樣嘅海底景色,絕對係浮潛嘅好去處!(呢個亦係小編私心bookmark推介嘅行程!因為浮潛真係好正,但提提大家記得要留意埋佢啲天氣情況,小編當時去撞正佢就嚟打風所以跟咗教練advice去咗另一度玩,不過I Will Be Back! 因為上網啲圖真係好靚!小編相信下次去一定會好天嘅!)

📍#美國村 #DepotIsland
因為沖繩係二戰時期有短暫被美國統治嘅歷史,所以呢度係利用最初駐日美軍歸還嘅土地改建而成嘅,係個十分具有美國西海岸風情嘅地區🇺🇸另外呢度亦有好多唔同嘅主題店,娛樂設施同埋餐廳,係個可以俾大家同時享受到沖繩同埋美國風情嘅觀光勝地!

📍#國際通 #KokusaiDori
呢度係位於那霸中央嘅購物街🛍有著各式各樣嘅舖頭同餐廳,亦有售賣充滿沖繩特色嘅土產記念品,絕對係買手信同掃貨嘅好地方!

#自由行景點推介 #itinni #escapetravel #沖繩 #日本

——————————————————
【去旅行都可以識朋友?】
出走圍爐團,去旅行,識朋友。
一個屬於年輕人嘅旅行團。

即刻上 EscapeTravel.itinni.com了解更多啦!
返回網誌

發表留言

請注意,留言須先通過審核才能發佈。