繼前幾集同大家介紹咗美國一啲主題樂園後，今集將同大家介紹另一座同樣位於安納海姆嘅迪士尼選項——加州冒險樂園！快啲一齊嚟睇睇有啲咩必玩嘅娛樂設施先！🤩
樂園背景及特點
加州冒險樂園於2001年2月8日開幕，並於2015年開始擴建園區～目前主要有數大園區，當中就包括有復仇者聯盟、Toystory及汽車總竹動員電影為主題嘅遊樂設施，亦有多個以好萊塢及加州風情而建嘅區域！🤩👀
對比前幾集介紹過嘅加州迪士尼樂園，呢座冒險樂園嘅機動遊戲會較為刺激，所以會比較適合鐘意有離心力或者講求速度感嘅朋友！
必玩設施及園區
必玩 1：皮克斯碼頭
講到加州冒險樂園，就一定要先講下佢嘅皮克斯碼頭！
呢度除咗有樂園嘅標誌性icon米奇摩天輪之外🎡仲有以玩具總動員、Inside out 同 超人特攻隊做主題嘅機動遊戲㖭！🎢
首先同大家介紹佢嘅icon 米奇摩天輪先！
呢個摩天輪同我哋平時搭開嘅有少少唔同～就係喺排隊嘅時候就已經會分成兩列，等大家選擇搭邊一款車廂！內圈嘅車架並唔會固定地咁跟隨摩天輪嘅軌道運行，會搖嚟搖去～每個搭過嘅人都話比想像中刺激好玩！而外圈嘅摩天輪車廂則不會擺動，等大家慢慢欣賞下adventure land嘅全景
睇完靚景，如果講到刺激感就一定要有提及下邊呢幾項機動遊戲！
以超人特攻隊電影情節為背景嘅過山車——超特攻雲霄飛車嘅位置正正喺米奇摩天輪嘅後方🎢以4.5秒嘅速度升上高空，再由高空為起點跟住特攻隊一家穿越各個緊張又刺激嘅彎道～體驗一下獲得超能力同快速穿梭嘅高速快感
必玩 2：汽車總動員賽車手
接下嚟要同大家介紹嘅必玩遊戲就係位於賽車天地園區嘅熱門遊戲🏎喺汽車總動員呢個設施中，大家將會登上按照電影人物一比一造型設計嘅賽車咁進入閃電麥坤嘅世界觀並會喺公路軌道上大展車技，進行一段激烈嘅飆車賽！沿途可以欣賞一大片沙漠景觀嘅公路風景～享受整場賽車旅程嘅樂趣！
必玩 3：星際異攻隊：突圍任務
星際異攻隊：突圍任務係位於復仇者校園區中數一數二刺激嘅機動遊戲～🤓 除咗可以到訪基地嘅內部觀賞Taneleer Tivan為你展示嘅收藏品外，你亦將會聯同銀河守護隊嘅成員一齊突破重重困難關口去完成任務！📇
由塔嘅頂部快速升降嘅高速體驗以至音樂同整個環境設置嘅細節位亦令整個遊戲更加驚心動魄同好玩🎶😆相信無論係呢套電影嘅影迷定未睇過嘅朋友都可以好快咁融入當中刺激嘅感官體驗同氣氛！
#精選景點推介 #itinni #escapetravel
——————————————————
【去旅行都可以識朋友？】
出走圍爐團，去旅行，識朋友。
一個屬於年輕人嘅旅行團。
即刻上 itinni.com了解更多啦！