呢度自1955年正式開業，位於美國加州安納罕市亦係首間開幕嘅迪士尼樂園，至今仍係全球數一數二嘅大型主題樂園😲 而加州地區中一共有兩座樂園，一座係加州迪士尼樂園而另一座則是迪士尼嘅加州冒險樂園
兩座樂園都以加州嘅地區特點為樂園主題，但兩者之間嘅分別就係加州冒險樂園嘅遊樂設施相對比較刺激同有速度感，較適合鐘意玩機動遊戲嘅朋友～而今集介紹中，我哋就先會同重點睇睇加州迪士尼中有咩玩！
接下來嘅一連數集中亦會同大家介紹另外兩個樂園選擇（加州冒險樂園或環球影城）～等大家從中三揀一，睇下邊個啱自己玩多啲啦！
特色園區及必玩設施🤩
加州迪士尼中一共劃分為八個各具風格嘅主題園區，分別係美國小鎮大街、紐奧良廣場、探險世界、邊域世界、幻想世界、米奇卡通城、明日世界及星球大戰區！
千年鷹號：走私者逃亡號
呢座設施位於星球大戰嘅園區內，係加州迪士尼中非常受歡迎嘅設施之一，通過精細逼真嘅模擬及影像技術令大家仿如置身星球大戰千年鷹號嘅駕駛艙內嚟一場驚險嘅任務旅程！
印第安納瓊斯冒險旅程
喺Indiana Jones嘅引領下，一同登上探險車進入一座荒廢文明嘅超自然嘅神廟，喺危機四伏嘅環境底下穿梭探險，並了解寺廟背後死亡女神嘅復仇故事😲觀光車會帶你走過不同彎曲陡陗嘅險峻地形，享受探險旅程中腎上腺飆升嘅驚喜快感！
海底總動員海底之旅
一齊乘搭潛水艇進入海底世界嘅深處尋找nemo嘅身影！大家可以透過潛水艇嘅小窗戶，同電影中熟悉嘅經典角色見面，仲可以身臨其境咁感受電影中嘅精彩情節，一齊加入呢場海底尋親之旅～
神鬼奇航：加勒比海盗
最後要介紹嘅必玩嘅設施又點少得神鬼奇航中嘅加勒比海盗船遊呀！呢座遊樂設施位於園區內嘅紐奧良廣場區域⚓️等大家同船員一齊出發航行往目的地，途中大家亦會遇上不少新奇刺激嘅海盜體驗！精彩嘅遊船程亦令佢成為園內最具人氣嘅遊樂設施之一
小彩蛋： 關於美國迪士尼的都市傳說
迪士尼一直被喻為係世上最有童心同快樂嘅地方，而呢座開業多年嘅快樂園地又點少得一啲神秘嘅都市傳說呢！（所以今日就同大家睇其中一個被員工証實咗嘅傳說喇！）
據傳聞，有部分人會將死去家人嘅骨灰偷偷運入嚟並灑喺樂園中，藉此希望家人可以喺世界最快樂嘅地方中安息，按迪士尼員工所述，清理骨灰屬佢哋嘅日常工作之一，而「HEPA」就係呢項工作嘅行動代號（其中一個撒骨灰嘅大熱門地亦有今日介紹中提及過嘅加勒比海盗船遊）
而按員工所講，清理骨灰的確亦係佢哋嘅工作之一，迪士尼亦已發表聲明指喺園區中撒骨灰屬違法行為並呼籲入園人士切勿模仿🚫
#精選景點推介 #itinni #escapetravel
——————————————————
【去旅行都可以識朋友？】
出走圍爐團，去旅行，識朋友。
一個屬於年輕人嘅旅行團。
即刻上 itinni.com了解更多啦！