【自由行景點推介｜希臘 聖托里尼島】
今日自由行景點推介就同大家一齊嚟睇睇呢個擁有全世界最美夕陽之稱嘅小島，位於希臘嘅聖托里尼島🌇
📍#伊亞小鎮 #Oia
呢個小鎮可以話係島上最出名嘅景點，同時亦被喻為係世上望到最靚夕陽嘅日落小鎮，所以好多旅客都會早早去到觀景台霸定個靚位欣賞呢度嘅靚景～除此之外，伊亞小鎮亦以佢嘅白色小屋著稱，整座小鎮嘅建築色彩都搭配得好協調和諧！真係隨手一影都好似佢張明信片咁靚啊！
📍#藍色圓頂教堂 #BlueDomedChurch
講到聖托里尼島最著名嘅經典地標就一定會聯想到藍白配色嘅教堂🔵⚪
一望無際嘅愛琴海景同教堂嘅藍頂相互襯托，成個畫面嘅景色咁靚，真係好值得嚟一趟！
📍#卡美尼火山島 #NeaKameni
鐘意動態行程或者行山嘅朋友有褔了，因為搭一搭船就可以去到聖托里尼島另一個著名景點——火山島！由於呢座島仍然健在，係一座活火山，所以邊行都會見到佢有啲出煙🌋不過大家唔使擔心～因為佢宜家正處於休眠期，所以都好安全㗎！😴有興趣嘅朋友不妨去呢度參觀下聖托里尼島嘅另一面向！
📍#卡馬利海灘 #KamariBeach
卡馬利海灘又名「黑沙灘」係火山島爆發沉澱物黑砂石漸形成嘅自然景觀，所以佢啲沙如其名都係黑色嘅，亦係島上好出名嘅海灘之一！想去享受下渡假氣氛嘅朋友不妨嚟呢度過一個chill afternoon~
📍#古提拉遺跡 #AncientThera
跟住為大家介紹嘅景點就係位於卡馬利海灘上方嘅古提拉遺跡，喺1960年代由德國考古學家所發掘🔦呢度宏大嘅古跡群見證咗古時聖托里尼島輝煌嘅歷史，但由於不同嘅帝權管治同火山爆發等原因，目前只係剩低石塊基地嘅建築群遺跡，所以就要靠大家運用下想象力去還原返呢度嘅昔日舊貌喇！
📍#費拉小鎮 #Fira
呢度係整座島上最熱鬧嘅景點，因為費拉小鎮有好食嘅餐廳同旅館～所以唔少旅客亦會揀呢度或者伊亞作為住宿嘅地點🏠除此之外，呢度亦有好多售賣紀念品嘅小商店俾大家行～可以喺呢度揀返份有島上風情嘅手信或者明信片寄俾喺香港嘅屋企人同朋友！
#自由行景點推介 #itinni #escapetravel #聖托里尼島 #希臘 #Greece #Santorini #GreekIsland
——————————————————
【去旅行都可以識朋友？】
出走圍爐團，去旅行，識朋友。
一個屬於年輕人嘅旅行團。
即刻上 EscapeTravel.itinni.com了解更多啦！