相信大家對聖誕老人一啲都唔陌生，但你又知唔知佢嘅故鄉喺邊？今日嘅自由行景點推介就一於一齊到訪聖誕老人嘅屋企！睇下有咩好玩嘅活動介紹啦！🎅🏻🏠🤶🏻
🎅🏻北極圈分隔線 【北緯66度33分】
位於芬蘭北部羅瓦涅米嘅聖誕老人村應該係地球上最有christmas feel嘅地方～❄️而呢個小村剛好坐落於北極圈嘅分隔線上，大家唔單止可以影相留念仲可以到佢嘅information center 俾 €0.5請嗰度嘅員工喺你本passport上扱返個記念印仔留念添～🤩
🎅🏻聖誕老人辦公室＋郵局
一場嚟到就梗係要去參觀下聖誕老人嘅office同郵局啦～睇下聖誕老人平時係點扮工同一年四季究竟忙緊乜～🤭之後仲可以再去埋郵局度探下一眾聖誕小精靈班順便寄張postcard俾自己同朋友做手信留念！📮佢附近嘅聖誕樂園更有好多同聖誕相關嘅工作坊同精品店等你慢慢行，感受下呢度嘅Christmas Vibe
🎅🏻聖誕森林
除此之外，呢度嘅西北邊界仲有條兩公里長、充滿住勁多棵聖誕樹嘅林間徑道🌲沿路步行更可以欣賞到森林內嘅沼澤地同樹木等自然景觀🎅🏻不過大家都要注意返天氣情況～⚠️因為佢嗰官網都好頂癮咁大字備注話明落雪後佢哋係唔會負責清理啲雪道㗎🤣所以行之前記得要量力而行同埋睇清楚當日嘅天氣情況再決定！
🎅🏻活動介紹
講到聖誕小村嘅必玩行程就多姿多彩喇！因為呢度除咗有上面所提及嘅聖誕室內活動外，仲有好多戶外activity~有可愛治癒嘅馴鹿同huskey雪橇嘅體驗～等佢哋帶你漫遊穿梭於芬蘭冬日嘅白色樹林❄️～而如果鐘意速度刺激嘅都可以租借佢哋嘅雪上電單車極速咁遊覽呢片白茫茫嘅雪地🏍任君選擇🤣啱曬鐘意戶外、自然景觀又或者動物嘅朋友們！🦌
🏠睇極光嘅極緻享受&住處——玻璃屋
如果想plan埋睇極光嘅朋友就一定唔好錯過玻璃屋呢個住宿option!玻璃屋外形小巧精緻但入面嘅空間都好夠！🤩可以成個人攤喺度咁透過佢拱形嘅玻璃透明天窗望到北極光璀璨嘅夜空！真係人生必玩必試嘅極緻體驗！
（而小編覺得除咗呢個玻璃屋好正之餘，聖誕老人村內嘅各個住宿同餐廳都超有特色，例如佢嘅冰屋酒店同埋聖誕木屋餐廳，但由於篇幅長度關係，今日就分享住玻璃屋呢間先！真係好正！相信喺入面親眼望到北極光嘅一刻一定會好感動！🥺）
#自由行景點推介 #itinni #escapetravel #芬蘭 #Finland
——————————————————
【去旅行都可以識朋友？】
出走圍爐團，去旅行，識朋友。
一個屬於年輕人嘅旅行團。
即刻上 EscapeTravel.itinni.com了解更多啦！