聖托里尼島位於基克拉澤斯群島嘅最南邊～呢度佢唔單止以佢獨特嘅月牙形狀著稱，每年亦有唔少旅客專程到島中嘅伊亞小鎮上觀賞全球「最靚嘅日落」🌇👀我哋今集就會一齊嚟仔細了解下呢座最美嘅藍白小島～出發！
小島特色
聖托里尼中亦有好多美不勝收嘅打卡同旅遊景觀，島上嘅藍白色主調配上每間位於崖上小屋嘅和諧配色，再加上海天一色嘅無敵靚海景，都令整座島嘅景觀靚到仿如一幅畫咁🖼難怪呢度會被稱之為最靚海島～💭
聖托里尼島罕見及獨特島形
講到聖托里尼島嘅獨特月牙地形就要追溯至古代嘅一場大型嘅火山爆發事件😲🌋火山噴發嘅嚴重威力導致島嘅中央面積塌陷，繼而形成宜家所見嘅月牙形🌙呢次嘅火山噴發亦間接造成當地及鄰近古文明嘅消失
而至今到訪聖托里尼島時亦可去到島嶼中嘅古提拉遺跡🔦呢度宏大嘅古跡群亦見證咗古時聖托里尼島輝煌嘅歷史
伊亞及費拉小鎮
伊亞小鎮可以話係島上最出名嘅景點，同時亦被喻為係世上望到最靚夕陽嘅日落小鎮，所以好多旅客都會早早去到觀景台霸定個靚位欣賞呢度嘅靚景～
而費拉小鎮就係整座島上嘅另一熱鬧嘅景點，因為費拉小鎮有好食嘅餐廳同旅館～所以唔少旅客亦會揀呢度或者伊亞作為住宿嘅地點🏠除此之外，呢度亦有好多售賣紀念品嘅小商店俾大家行～可以喺呢度揀返份有島上風情嘅手信或者明信片寄俾喺香港嘅屋企人同朋友㖭！
#精選景點推介 #itinni #escapetravel
——————————————————
【去旅行都可以識朋友？】
出走圍爐團，去旅行，識朋友。
一個屬於年輕人嘅旅行團。
即刻上 itinni.com了解更多啦！