【🍂秋天自由行景點推介｜比利時 布魯日】
名畫中嘅城市-被世界淡忘嘅古老中世紀之城🏰
小編第一次認識布魯日係透過一幅名畫《被遺忘的城市》🖼
畫中嘅布魯日有種疏離同埋時光停滯嘅感覺，而喺現實生活中，布魯日的而且確喺歷史中避過咗兩次世界大戰，所以先可以完好咁保留到大量嘅中世紀歷史建築，令去到嘅遊客都有種好似返咗去中世紀比利時嘅錯覺！而布魯日亦因此喺2000年被登錄為世界文化遺產嘅城市之一🗺
咁宜家事不延遲，等我哋好似林家謙咁
🎼用逆轉的超能力，將時間撥到早幾百年前的秋天🍂好好咁遊歷下呢座古老之城 
📍#布魯日鐘樓
建於13世紀，係布魯日一個好有代表性嘅城市icon🔔朗費羅嘅一篇詩中亦提到呢座鐘樓喺歷經三次嘅損耗後依然屹立喺布魯日嘅市中心，靜靜咁觀看著呢座古老之城市同人來人往嘅街道👀
而大家如果都想好似座鐘樓咁喺高處觀望布魯日，其實都唔係唔可行嘅！因為呢座塔喺開放俾大家行上去觀光㗎！不過就要考下大家體力，行夠366級樓梯先上到最頂咁囉～
📍#愛之湖
跟著落嚟要同大家介紹嘅就係一幅好似畫咁靚嘅景點～愛之湖💗
湖水上面總會有一班游緊水，好識嘆嘅天鵝🦢搭配著湖邊嘅建築同清過蒸餾水嘅水中倒影，成幅構圖簡直好似係喺童話書中先會出現嘅場景✨不過喺呢個好似童話世界嘅背後其實流傳著一段好淒美嘅愛情故事，但由於篇幅關係，如果大家想知，小編再講
📍#ChocoStory朱古力博物館
知道咗愛之湖有個咁慘嘅傳說之後，小編要食返啲甜嘢等自己心情好過啲😞所以就等我哋一齊去睇下呢間有得睇又有得食嘅另類博物館CHOCO STORY 喇！喺呢度大家可以用個新角度去了解朱古力嘅起源同發展，仲有得親自落場整埋一份！如果真係touch wood🪵自己整嗰份朱古力未如理想都唔使愁，因為嗰度有大量朱古力任你試食，去埋入面間專門店買多份扮自己整又得，得咗！
📍#聖母教堂
聖母教堂係呢個世上第2高嘅磚砌塔樓，連同鐘樓同教世主教堂都係布魯日嘅三大景點！
喺聖母教堂入面你將會見到米開朗基羅嘅早期作品「聖子與聖母像」
位於教堂嘅東側仲有條一見鐘情橋，相傳如果喺橋上面遇見嘅第一個人會同你一見鐘情，想出pool嘅朋友仔可以去試試自己運氣啦！ xD
📍#半月啤酒廠
行曬咁多景點，如果可以飲返杯啤酒，簡直就係人生一大樂事
呢個係布魯日一個好出名嘅啤酒brand，大家嚟到不妨去埋參觀佢個酒廠同佢個釀酒過程，最後再啤啤佢🍻咁就perfect池啦！
#自由行景點推介 #itinni #escapetravel #比利時 #布魯日
——————————————————
【去旅行都可以識朋友？】
出走圍爐團，去旅行，識朋友。
一個屬於年輕人嘅旅行團。
即刻上 EscapeTravel.itinni.com了解更多啦！