東歐 土耳其|熱氣球之都,一個集合自然地貌以及歷史建築嘅地方!

【自由行景點推介|東歐 土耳其】

相信而家去緊旅行嘅唔少都係去歐遊~✈️ 無論係你而家去緊定係Plan緊準備去,都不妨考慮吓土耳其!🇹🇷 等我哋睇吓土耳其有啲乜嘢玩啦🤩
 

📍#卡帕多奇亞 #Cappadocia
大家一聽到土耳其就會聯想到熱氣球🎈,而Cappadocia就係玩熱氣球嘅熱門目的地。望住滿天嘅熱氣球,俯瞰呢度好似童話般嘅地貌⛰,再睇住個太陽慢慢升上嚟🌅 呢一個經歷真係永世難忘~
提提你🤓:因為經常會因為天氣而取消熱氣球升空,記得預留多幾日呀。同埋要有定心理準備,凌晨5:00就起身㗎啦~
  
  

📍#格雷梅國家公園
朝早玩完熱氣球有咩做呢~不如去格雷梅國家公園玩吓四驅越野車!朝頭早喺天空俯瞰呢片壯麗嘅景色,而家我哋揸住ATV喺陸地上面穿梭,又會有另一番唔同嘅感受😙
提提你🤓: 佢有唔同嘅路線選擇,睇嘅嘢都有些微唔同,不妨做定功課先!
  
   

📍#UndergroundCities
難得嚟到卡帕多奇亞,如果咁岩撞正天氣唔好冇得坐熱氣球有咩好做?咁不如去吓地下城啦,不過唔係動漫嗰啲地下城呀🤣 Cappadocia其實有超過200個地下城,而當中Kaymakli同埋Derinkuyu就係最受歡迎嘅其中兩個😎 不過其實個個都差唔多,睇完呢兩個我諗你都唔會再想繼續睇😜
  
   

📍#棉花堡
另外一個土耳其好出名嘅地方就係棉花堡啦!呢度係一個由雪白嘅岩石形成嘅溫泉梯田,嚟到必定要打個卡。不過俾啶個心理準備你,其實呢度冇咁白都冇咁藍🙈 雖然係咁都好值得嚟!😆 而且山上有一個溫泉,最特別嘅地方佢係由一個倒塌咗嘅古蹟而建成,嚟到不妨去下!
  
   

📍#地下水宮殿 #BasilicaCistern
位於土耳其首都伊斯坦堡嘅地下水宮殿其實係一個廢棄咗嘅地下蓄水池,但係入邊歐式嘅建築,靚到好似一個地下宮殿咁樣😍
提提你🤓:小編呢一刻上網睇佢維修緊未對外開放,記得到你去嘅時候要上網睇吓維修完未啊!
  
  
📍#塞爾蘇斯圖書館 #CelsusLibrary
唔知有冇人好似小編咁,好鍾意去啲歷史廢墟?如果你都係嘅話呢度就啱晒!Ephesus Archaeological Site係一個歷史遺址公園,你可以睇到唔同嘅歷史遺址包括圖書館、羅馬式劇場,包你行到腳軟🚶🏻‍♀️🚶🏻‍♂️ 影好多靚相!📸
  
  
📍#聖索菲亞大教堂 #蘇丹艾哈邁德清真寺
呢兩個地方都喺附近,兩個相隔5分鐘步程~ 兩個係好截然不同嘅宗教建築,都好值得去睇吓!
提提你🤓:大家記得要留意對衣着服飾嘅要求呀!
  
   

#自由行景點推介 #itinni #escapetravel #東歐 #歐洲 #土耳其 #熱氣球 #棉花堡

——————————————————
【去旅行都可以識朋友?】
出走圍爐團,去旅行,識朋友。
一個屬於年輕人嘅旅行團。

即刻上 EscapeTravel.itinni.com了解更多啦!
返回網誌

發表留言

請注意,留言須先通過審核才能發佈。