【自由行景點推介｜杜拜】
今日嘅自由行景點就會同大家一齊到訪杜拜！呢個遍地黃金嘅國度，至於標題所講嘅冷知識發達大計其實就係源於一份杜拜嘅官方發佈文件，內文指一名被拘留嘅乞衣嘅月入竟有57萬！？咁誇張，搞到小編都即刻差啲book機票去杜拜打工，但睇真啲，原來喺杜拜行乞係犯法會被人拉㗎🥺所以小編唯有打消呢個念頭，留返喺香港打工算😭😭😭
📍#杜拜之框 #TheDubaiFrame
呢個高達50層樓高，四面都係黃金邊嘅巨型框框被喻為係全世界上全大嘅畫框，亦係杜拜嘅特色地標之一🖼呢個巨型框架將杜拜嘅風景都儲起，簡宜好似一幅超現實嘅風景名畫～
📍#哈利法塔 #BurjKhalifa
哈利法塔係一座高828米嘅摩天大樓，唔單止係杜拜中最高，佢更係目前全球至高嘅人工建築物！去到訪後大家都可以話自己企過喺 the top of the world (嘅building)🌏
📍#朱美拉棕櫚島 #PalmJumeirahIsland
島如其名，當大家由高空俯瞰就可以見到佢仿如棕櫚樹嘅獨特島型🌴島嶼特別嘅外型同景點再加上連接各地嘅交通便利，因此亦吸引不少旅客到訪觀光！絕對係係杜拜嘅熱門景點之一
📍#失落空間水族館 #TheLostChambersAquarium
The Lost Chambers 係棕櫚島上亞特蘭提斯酒店內嘅水族館🐟以被洪水掩沒嘅亞特蘭提斯文明作核心主題，每個水箱更有對應嘅擺設加上以幽暗嘅燈光同身旁古老嘅壁畫更帶出一股神秘虛幻嘅氣氛💨令人有種一步步探索緊一個古老文明嘅感覺🧙🏻♂️館內更有一個2層高嘅大型魚缸，有著多個品種嘅深海魚同海洋生物🧜🏼♂️ 雖然整個館規模唔算好大，但充滿住神秘感嘅主題同環境已經足以令呢度深受旅客們嘅喜愛，亦成為杜拜嘅著名景點之一！
（酒店住客仲可以免費入場！）
📍#亞特蘭提斯水上樂園 #AtlantisWaterPark
提到亞特蘭提斯又點可以唔提及埋佢嘅水上樂園！
亞特蘭提斯嘅美學風格可以話係貫穿咗整個渡假村區內嘅建築構思，就連佢嘅水上樂園同當中嘅設施都好有當中嘅特色🤩
而佢最出名嘅滑水梯就一定係Leap of Faith👊🏼呢條滑水梯嘅外形設計真係好正！好似一個古老嘅宮殿一樣咁靚！仲有就係佢透明梯嘅設計等大家喺瀡到底嘅時候可以近距離咁望到池中嘅鯊魚添！真係many shark~doo doo doo doo doo doo doo～many shark doo doo..(有冇聲 xD）🦈
一定會係個又刺激又難忘嘅體驗！
📍#杜拜噴泉 #DubaiFountain
杜拜噴泉位於迪拜購物中心同哈利法塔嘅中央，係一座大型嘅音樂噴泉⛲️高達150米嘅水柱會隨著輕快嘅音樂翩翩起舞，靚得嚟亦非常壯觀！💃🏻咁靚嘅水舞泉表演每日都會喺廣場上定期上演，絕對係一個值得一睇嘅行程🤩睇完精彩嘅表演後仲可以去埋佢附近嘅shopping mall度行下街添！
#自由行景點推介 #itinni #escapetravel #杜拜 #Dubai
——————————————————
【去旅行都可以識朋友？】
出走圍爐團，去旅行，識朋友。
一個屬於年輕人嘅旅行團。
即刻上 EscapeTravel.itinni.com了解更多啦！