講到土耳其嘅特色食品就一定要提及當地嘅土耳其雪糕！而其特色之處就係喺雪糕到手之前都要同店家上映一齣“Catch me if you can”嘅精彩戲碼～網上亦因此經常會流傳雪糕店職員同客人之間你捉我避，爭奪雪糕嘅有趣互動🤣
但你又知唔知土耳其雪糕嘅起源係咩呢？今日就等為食小編同大家一齊了解一下土耳其雪糕背後你哋可能不知道的事！😋
土耳其雪糕令人暖心嘅起源📜
看似搞怪有趣嘅土耳其雪糕背後原來都有著一個窩心同人情味十足嘅小故事～相傳以前有位賣雪糕嘅老闆見到一個喊得好淒涼嘅小朋友，好心嘅老闆為咗氹返呢位小朋友，就請佢食枝雪糕，但佢仍然都繼續喊😢
正當老闆束手無策之際，佢就以一個搞鬼嘅手法為小朋友遞上雪糕，冇諗到呢個得意有趣嘅舉動竟令小朋友破涕為笑，後來獨特嘅遞雪糕手法亦演變成我哋宜家所見嘅土耳其雪糕喇！
雪糕質地
但講到土耳其雪糕嘅特色又點止只有遞雪糕嘅手法呢～🍦相信以往食過土耳其雪糕嘅朋友都知，雪糕綿綿嘅口感以及濃稠嘅醇香真係會令人食過返尋味，一試再試！
而呢種獨特口感正正係因為當中加入咗由土耳其獨有植物，野生蘭花莖中萃取嘅「蘭莖粉」😲呢項獨門秘方及原料亦係形成出雪糕黏稠香滑口感嘅重要關鍵❗️
亦正正係呢種黏稠嘅特性，所以令雪糕可以喺「舞嚟舞去」之際都牢牢咁固定於長棍上～而蘭莖粉亦可以減漫雪糕溶化嘅速度，可以話係土耳其雪糕當中最重要同不可缺少嘅原料！
如果鐘意呢篇關於土耳其文化嘅分享，就快啲share俾一樣鐘意食雪糕嘅朋友仔喇！
——————————————————
【去旅行都可以識朋友？】
出走圍爐團，去旅行，識朋友。
一個屬於年輕人嘅旅行團。
#精選景點推介 #itinni #escapetravel #精選景點推介 #土耳其 #旅行 #土耳其雪糕 #深度遊 #香港 #識朋友 #假期 #文化 #文化及旅遊 #旅遊 #人生 #culture #journey #travel #friends #life #fun #explore #adventure #trip #follow #vacation #travelling
即刻上 itinni.com了解更多啦！