佛羅倫斯|今日冷知識:聖母百花大教堂點解要用140年先起好?🙊背後原因竟同一單離奇搞笑嘅建築插曲有關?!

【自由行景點推介|意大利 佛羅倫斯】
佛羅倫斯一直被視為係文藝復興之都嘅icon,因為喺呢度嘅建築物同文藝時期嘅作品都保留到好好亦令我哋更加了解renassiance時期嘅美學同嗰時嘅社會、文化風氣更為現今美學指標定立堅實嘅基礎💪🏻所以今日嘅自由行景點推介絕對係小編嘅自肥企劃,真係好想去啊!



📍#聖母百花大教堂 Cattedrale di Santa Maria del Fiore
聖母百花大教堂又稱佛羅倫斯大教堂,係義大利最大嘅圓穹頂教堂之一⛪️呢座教堂靚得嚟其實喺興建嘅時候都一波三折,有段好搞笑嘅大頭蝦插曲🦐當年嘅建築技術未完善到可以為呢座教堂起到一個唔會冧落嚟嘅穹頂,奈何已經洗濕咗個頭,因為大家係起到半路先發現唔識起埋個圓頂位置🥲

所以教堂初建成嘅百幾年期間其實都係處於一個冇天花頂嘅狀態🤣好彩去到後期搵到失傳咗嘅草圖,再加上有麥第奇家族資助先請到著名建築設計師布魯內雷斯基先終於封返個頂,多得佢哋,我哋宜家至可以見到呢座咁宏偉嘅大教堂同佢著名嘅磚紅色圓頂💪🏻



📍#大衛像 Davide di Michelangelo
大衛像以對立式平衡嘅姿態屹立於佛羅倫斯嘅學院美術館,係文藝復興時期米開朗基羅嘅著名作品🏫透過大理石呈現聖經人物大衛喺準備開戰前堅定同全神貫注嘅神態🧑🏻‍🦱完美咁透過雕塑將人嘅形態、表情同肌肉結構都刻劃得栩栩如生,令去觀賞嘅民眾都感受到大衛當刻緊張同開戰前嗰種凝重氣氛嘅壓迫感



📍#海神噴泉 Fountain of Neptune
海神噴泉位於佛羅倫斯領主廣場並將希臘神話中嘅海神設立為主角,整座噴泉有住濃厚嘅希臘神話風格以及文藝復興美學元素🧜🏼‍♂️石像以威嚴嘅姿態站立於噴泉嘅中央之處,身旁亦有好多不同形態嘅青桐雕像,相當吸睛👀




📍#烏菲茲美術館 Uffizi Gallery Museum
建於1560年,烏菲茲係佛羅倫斯一間具有悠久歷史同享負盛名嘅藝術博物館🖼館內有大量文藝復興時期嘅著名作品,亦收藏住好多舉世聞名嘅大師級畫作等大家去一飽眼福,親眼望下畫入面嘅細節同細膩感,其中最著名嘅藏品就一定要提及桑德羅.波提切利嘅兩幅作品《維納斯的誕生》同《春天》喇



📍#米開朗基羅廣場 Piazzale Michelangelo
呢個廣場位於市中心以南嘅山頂上可以話係佛羅倫斯市內嘅大熱觀景地點🗻喺呢度唔單止可以望到佛羅倫斯嘅市境全貌,呢個廣場嘅用途仲係用作記念意大利文藝復興時期嘅著名藝術家米開朗基羅嘅,所以大家都會喺度見到唔少嘅複製品同青桐雕像嘅裝飾元素作點綴㗎!



#自由行景點推介 #itinni #escapetravel #意大利 #佛羅倫斯 #Italy #Florence #Fiorenza
——————————————————
【去旅行都可以識朋友?】
出走圍爐團,去旅行,識朋友。
一個屬於年輕人嘅旅行團。

即刻上 EscapeTravel.itinni.com了解更多啦!

返回網誌

發表留言

請注意,留言須先通過審核才能發佈。